थलारा बहुमुखी क्याम्पस
सुदुरपश्चिम प्रदेश, बझाङ्ग जिल्लाको शैक्षिक अग्रणी संस्था। २०६४ सालदेखि स्थानीय विद्यार्थीहरूलाई घरमै बसेर गुणस्तरीय उच्च शिक्षा प्रदान गर्दै आइरहेको ऐतिहासिक धरोहर।
हाम्रो परिचय
एतिहासिक पृष्ठभूमि
नेपालको सुदुरपश्चिम प्रदेश बझाङ्ग जिल्ला थलारा गाउँपालिका एतिहासिक थलारा राज्यको सदरमुकाम हो। दुर्गम तथा हिमाली जिल्लाका रुपमा चिनिएको बझाङ्ग जिल्ला शिक्षा, स्वास्थ्य, संचार, यातायात, लगायत विकासका पुर्वाधारहरुको अझैपनि पुर्ण रुपमा व्यवस्थित गर्न नसकिएको जिल्ला हो। यहाँका बालबालिकाहरुले उच्च शिक्षाका लागी घर छोडेर बाहिर जाने अवस्थालाई हटाउन २०६४ सालमा यहाँका समाजसेवी, शिक्षाप्रेमी, बुद्धिजिवी शिक्षक अविभावक सहित सबैको पहलमा यस क्याम्पसको स्थापना भएको थियो। १६ वसन्त पार गरिसक्दा धेरै विद्यार्थीहरुले घरमै बसेर उच्च शिक्षा ग्रहण गरिरहेका छन्। दलित, क्षेत्री, ब्राह्मण थरिका मानिसहरु बसोबास गर्ने यस ठाउँमा स्थानिय साथै केहि बाहिरका विद्यार्थीहरुले शिक्षाको लाभ लिइरहेका छन्।
क्याम्पसका नीति तथा नियमहरू
एक अनुशासित र उत्कृष्ट शैक्षिक वातावरण निर्माणका लागि हामीले निम्न नियम तथा आचरणहरू अवलम्ब गरेका छौं।
क्याम्पसका मुख्य नियमहरू
- क्याम्पस हाताभित्र शान्त र अनुशासित वातावरण कायम राख्नुपर्नेछ।
- तोकिएको समयमा कक्षामा उपस्थित हुनु अनिवार्य छ।
- क्याम्पसको भौतिक सम्पत्तिको सुरक्षा र सरसफाईमा ध्यान दिनुपर्नेछ।
- पुस्तकालय र प्रयोगशालाका नियमहरूको पूर्ण पालना गर्नुपर्नेछ।
- नसालु पदार्थको सेवन र धुम्रपान पूर्णतया निषेध गरिएको छ।
विद्यार्थी आचारसंहिता
- एकआपसमा आदर, सद्भाव र समावेशी व्यवहार प्रदर्शन गर्नुपर्नेछ।
- शैक्षिक इमान्दारिता कायम राखी परीक्षा र कार्यहरू सम्पन्न गर्नुपर्नेछ।
- कुनै पनि प्रकारको 'रयागिङ' वा दुर्व्यवहारलाई कडा कारबाही गरिनेछ।
- क्याम्पसको ड्रेस कोड र परिचय पत्रको अनिवार्य पालना गर्नुपर्नेछ।
- क्याम्पसको गरिमा र प्रतिष्ठामा आँच आउने क्रियाकलाप गर्न पाइने छैन।
अनुशासन नै सफलताको मार्ग हो
यी नियमहरूको पालनाले क्याम्पसको समग्र शैक्षिक वातावरण उत्कृष्ट बन्नेछ।